Is beter tegnologie die antwoord?

Deur David Malherbe   –   Gepubliseer in Drakenstein Gazette – Vrydag 7 Junie 2013

Ons word deesdae so oorval met nuwe tegnologiese aanbiedinge, dat dit moeilik raak om by te bly met nuwe ontwikkelinge.  Mense reageer gewoonlik hierop deur te probeer bybly of hulle stel net nie belang om dit te leer gebruik nie.

Om in jou besigheid weerstand te bied teen nuwe tegnologie veroorsaak dat jy jouself later al hoe meer uit die mark uitsluit.  Verbeterde tegnologie kan besighede help om beter gehalte produkte of dienste in ‘n korter tydperk te lewer.  Aangesien kliënte die beter gehalte produkte en dienste verkies, is dit nodig om saam met tegnologiese ontwikkeling te beweeg sodat jou besigheid mededingend kan bly.

Aan die ander kant is daar weer diegene wat ly aan FOMO – “Fear of missing out”.  D.w.s. as daar iets nuuts op die mark is, kan jy nie rus voor jy dit nie ook het nie.  Dit is ‘n baie duur opsie, want dit is onmoontlik om by te bly met al die nuwe tegnologie.

Ons moet onthou tegnologie is slegs deel van die gereedskap wat ons gebruik. Voor die industriële revolusie het mense handgereedskap gebruik om produkte mee te vervaardig; daarna grotendeels masjiengereedskap.  Vandag word baie masjiene se werking beheer deur vooraf geprogrammeerde rekenaars.

Dit bly egter nog steeds net gereedskap en al is goeie gereedskap belangrik, is dit nie die tegnologie in die eerste plek wat die sukses van ‘n besigheid bepaal nie.  Ons sien gereeld advertensies in koerante van veilings wat gehou word waar van die beste masjinerie en toerusting verkoop word.

Goeie leierskap en bestuur is steeds die belangrikste aspek wat die sukses van ‘n onderneming bepaal.  Tegnologie is ‘n hulpmiddel wat sukses kan aanhelp, of ‘n gebrek daaraan kan sake bemoeilik, maar dit is nie dié bepalende faktor vir sukses nie.  ‘n Gebalanseerde benadering t.o.v. tegnologie is dus baie belangrik.

‘n Ander realiteit van die vooruitgang in tegnologie is dat sekere poste of tipes werk uitgefaseer kan word en aanleiding gee tot werksverliese.  Dit is een van die redes hoekom ons mense aanmoedig om entrepreneurskap as loopbaanopsie te oorweeg.  Die beste manier om te verseker dat jy werk het, is om vir jouself werk te skep.

David Malherbe en Dewald Scholtz gesels Maandagaand van 19:00 tot 20:00 op Radio KC 107.7 FM tydens die program Jy die Entrepreneur verder oor hierdie onderwerp.

(David Malherbe is ‘n besigheids- en loopbaan konsultant en woon in Wellington.  Hy kan gekontak word via sy webblad www.jedidiah.org.za of by T/F 021-873 0262) 

Home-based Business

By David Malherbe   –   Published in Drakenstein Gazette – Friday 31 May 2013

About 200 years ago during the Industrial Revolution factories sprang up everywhere.  People’s home based businesses could no longer compete with the large factories, so there was a migration of people that used to work from home to now find employment at factories in bigger town and cities.

At present we have a reverse of this 200 year trend.  Now we have an Information Revolution driven by technology, enabling many people to work from home again.  That is why home based businesses are the order of the day.

The cheapest and easiest way for a business start-up, is to start from home.  But there are certain aspects of home based businesses, if not managed well, that can be a recipe for disaster for the family.

First of all the business owner needs to manage him-/ herself well.  You need to build structure into your life and business, for example a work routine, setting goals, taking care not to be continually busy with work, etc. You need to set aside time for family and to get away from home.  The flip side of the coin is that because you do not have to be at work on time, you may be tempted to take the “sleep late and leave early approach”.

Then you also need to manage the business in a professional way.  You need to set clear boundaries between business and family, which is extremely important when you allow customers to visit you at home. The fact that a business is home based is no excuse for lousy recordkeeping.  It is still a business and just as accountable for taxes and also need to comply with all relevant legislation.  Connecting to a larger enterprise can also be an advantage for the credibility of your business.

Finally it is important to create a specific space at your home for the business.  It may be a garage or dining room, depending on the kind of business.   This part of the house can then be adapted and furnished to accommodate the business.  This is very important because it will help to create a necessary separation between home and business.

If managed well, a business from home can offer the best of two worlds.

David Malherbe and Dewald Scholtz will discuss this topic in more detail Monday evening from 19:00 till 20:00 on Radio KC 107.7 FM in the program “You the Entrepreneur”

(David Malherbe is a business- and career consultant and lives in Wellington.  He can be contacted via his web page www.jedidiah.org.za or at T/F 021-873 0262.)

Maak jy geld?

Deur David Malherbe   –   Gepubliseer in Drakenstein Gazette – Vrydag 24 Mei 2013

‘n Entrepreneur word gewoonlik as suksesvol gesien as hy geld maak. Daarom kyk ons vandag na drie belangrike geld aspekte in ‘n besigheid.

Eerstens moet die besigheid se laste (skuld) nie meer wees as die bates (besittings) nie. Met meer bates as laste sê ons die besigheid is solvent.

In die tweede plek moet ‘n onderneming se inkomste groter wees as die uitgawes want dan maak dit ‘n wins. ‘n Werker se salaris of loon is sy vergoeding vir die werk wat hy of sy doen en wins is die besigheid eienaar se vergoeding vir die werk wat hy of sy doen en vir die risiko wat hulle loop. Die belangrike vraag is dus of die besigheid ook winsgewend is?

Maar ‘n besigheid kan solvent en winsgewend wees en nogsteeds in die moeilikheid beland. Die rede is dat produkte of dienste wat op krediet verkoop word, ook gereken word as inkomste wat reeds verdien is, al het die besigheid nog nie die geld vir die transaksie ontvang nie.

Dit bring ons dan by die derde baie belangrike geld aspek van besighede naamlik kontantvloei of likiditeit. Dit is juis hier waar baie besighede se grootste kopsere elke maand lê. Aan die einde van die maand moet besigheidsuitgawes soos huur, lone en salarisse, telefoon en vele ander betaal word. Nou het jy kontant nodig.

Miskien was daar nie genoeg verkope gedurende die maand nie of te veel is op skuld (krediet) verkoop en jy sukkel om jou geld van die debiteure af in te kry. Indien jy nou boonop die nuus moet kry dat die persoon wat vir jou die meeste skuld, bankrot is, kan dit jou ook sink. (‘n Storie wat ek al dikwels gehoor het)

Om dus ‘n gesonde besigheid te hê moet dit nie net solvent en winsgewend wees nie, maar is ‘n goeie kontantvloei uiters noodsaaklik. Wees dus versigtig met beide die aangaan en die toestaan van krediet, want kontantvloei probleme kan beide winsgewendheid en solvensie tot niet maak en jou besigheid sluit.

David Malherbe en Dewald Scholtz gesels Maandagaand van 19:00 tot 20:00 op Radio KC 107.7 FM in die program “Jy die Entrepreneur” verder oor hierdie onderwerp.

(David Malherbe is ‘n besigheids- en loopbaan konsultant en woon in Wellington.  Hy kan gekontak word via sy webblad www.jedidiah.org.za of by T/F 021-873 0262)

2 Sam 12:25 “So he called his name Jedidiah because of the Lord.”

Powered by WordPress. Designed by Woo Themes